"UNION WITH CHRIST"

Om in verbondenheid met Christus te leef, is die hoogste roeping en die diepste vervulling van die menslike bestaan. Hierdie eenwording ontstaan nie deur menslike strewe nie, maar deur ’n selflose oorgawe waarin Christus, deur die krag van Sy opstanding, Sy geregtigheid en Sy lewe in ons openbaar. 

Die uitdrukking ‘in Christus’, ‘deur Christus’ of ‘met Christus’ verskyn meer as 160 keer in die Nuwe Testament — dit is nie bloot ’n teologiese frase nie, maar die absolute kern van die evangelie, die goeie nuus self! Mag die Heilige Gees hierdie heilige geheimenis diep in ons harte, denke, bewussyn en lewensstyl inkerf en anker, sodat ons vas en standvastig kan leef — selfs te midde van ’n wêreld wat al hoe meer onstuimig en donker word.

Van die mees vername en geliefde geestelike skrywers beskou hierdie waarheid as die sentrale kern van die nuwe verbond in Christus.  

“There is not in the world a kind of life more sweet and delightful, than that of a continual conversation with God; those only can comprehend it who practice and experience it. " ― Brother Lawrence

“That indwelling of Christ in our hearts … that mystical union [is] accorded by us the highest degree of importance.” - Calvin [1]

“By virtue of the believer’s union with Christ, he does really possess all things.” - Jonathan Edwards [2]

“Being in Christ, and united to him, is the fundamental constitution of a Christian.” - Thomas Goodwin [3]

“Union with Christ is right at the center of the Christian doctrine of salvation.” - Robert Letham [4]

“There are no benefits of the gospel apart from union with Christ.” - Lane G. Tipton [5]

“Union with Christ is the fountainhead from which flows the Christian’s every spiritual blessing.” - Robert Reymond [6]

“Union with Christ is theological shorthand for the gospel itself.” - J Todd Billings [7]

Communion between God and man is the end to which both creation and redemption are the means; it is the goal to which both theology and preaching must ever point; it is the essence of true religion; it is, indeed, the definition of Christianity. - JJ Packer[8]

Wanneer Paulus sê: “Ek is tot alles in staat deur Christus wat my die krag gee” (Fil. 4:13), is hy nie besig om 'n toekomstige moontlikheid te verklaar nie, maar om te getuig van 'n werklikheid wat reeds in hom bestaan. Dit is 'n refleksie van sy eenheid met Christus – 'n lewe waar Christus se krag reeds in hom werksaam is, selfs te midde van swakheid. Ons probleem is dat ons dié vers dikwels aanhaal wanneer ons krag soek, in plaas daarvan om te leef vanuit die krag wat reeds beskikbaar is in Christus.

Verbondenheid met Christus is 'n ontwaking en 'n bewuswording van Sy heerlikheid binne jou.

Verbondenheid met Christus is die geestelike werklikheid dat gelowiges in Christus is, en Christus in hulle is. Dit is nie bloot ’n leerstelling nie of kennis nie, maar ’n innerlike identiteit.

Op die oomblik wat ons Hom sien en glo, word ons geestelik verenig met Jesus in Sy dood, opstanding en hemelvaart.

Verbondenheid met Christus Begin by Verwondering!

Ons leef almal met ’n onstuimige binnewêreld – gevul met ’n warboel van gedagtes, vrese, onsekerhede en rustelose emosies. Soms voel dit asof ons rigtingloos dryf in die storms van die lewe. Maar dan... dan kom daardie heilige oomblik: Jy word bewus van Jesus.

In daardie oomblik staan ’n mens stil — nie uit dwang nie, maar uit ontsag. ’n Diep, stille verwondering neem jou oor. Jy voel skielik klein — nie minderwaardig nie, maar nederig. Jy besef jou sondigheid — maar voel nie verwerp nie. Sy teenwoordigheid laat jou nie wegkrimp nie, dit trek jou nader.

Godsdiens Hou Jou Op 'n Afstand

Dit hou jou op ’n afstand van God — soos ’n slaaf wat buite die paleis rondswerf, honger vir die koning se tafel, maar nooit genooi word om in te kom nie. Godsdiens maak jou honger, maar gee jou nie die Brood van die Lewe nie. Dit wek ’n dors, maar les nooit jou dors nie. Dit hou jou voortdurend met werke en metodes besig om te presteer, probeer harder, wees beter — maar jy bereik nooit volkomendheid nie.

Dit herinner jou aan jou skuld, maar wys jou nie die weg na vryspraak nie. Dit plaas ’n juk op jou skouers sonder om dit af te neem. Godsdiens bied die voorkoms van godsaligheid, maar ken nie die krag van God binne jou nie.

Christus… nooi jou nader. Hy gee rus vir die vermoeides, brood vir die hongeriges, water vir die wat dors is, en genade vir die skuldiges.

In Hom word jy nie net vrygespreek nie — jy word verenig met God self. Nie afstand nie, maar intimiteit. Nie verdienste nie, maar genade. Nie plig nie, maar liefde.

Soek Sy Geregtigheid 

Maar soek eers die koninkryk van God en Sy geregtigheid, en al hierdie dinge sal vir julle bygevoeg word. (Mat 6:33) 

Godsdiens fokus op MY geregtigheid. Wat moet ek doen om met God reg te wees? Christus fokus ons op SY geregtigheid! Sy volmaaktheid! Sy Krag! Sy heerlikheid! Sy Geloof!

Ontvang Sy Geregtigheid Deur Sterwe

Bestudeer hierdie volgende verse aandagtig, en vra die Heilige Gees, om die woorde vir jou lewend te maak. Inteendeel, mens moet hierdie verse eintlik memoriseer. Want deur die woord word geloof in ons harte ontketen en ontsluit om reg te dink.

So moet julle ook reken dat julle wel vir die sonde dood is, maar lewend is vir God in Christus Jesus, onse Here.  (Rom 6:12) 

Ek is met Christus gekruisig, en ék leef nie meer nie, maar Christus leef in my. En wat ek nou in die vlees lewe, leef ek deur die geloof in die Seun van God wat my liefgehad het en Homself vir my oorgegee het. (Gal 2:20) 

TOE sê Jesus vir sy dissipels: As iemand agter My aan wil kom, moet hy homself verloën en sy kruis opneem en My volg. Want elkeen wat sy lewe wil red, sal dit verloor; maar elkeen wat sy lewe om My ontwil verloor, sal dit vind.  (Mat 16:24-25) 

Want julle het gesterwe, en julle lewe is saam met Christus verborge in God. (Col 3:3) 

Maar as Christus in julle is, dan is die liggaam dood vanweë die sonde, maar die gees is lewe vanweë die geregtigheid. (Rom 8:10) 

Maar die wat aan Christus behoort, het die vlees met sy hartstogte en begeerlikhede gekruisig. As ons deur die Gees lewe, laat ons ook deur die Gees wandel. (Gal 5:23-24)

Nêrens word ons versoek om sonde te probeer oorwin deur harder te probeer nie. Die instruksie is: reken jouself dood! Verloën jouself! Kruisig jou hartstogte! Kom tot die einde van jouself! Gee oor!

"Trek Jesus Aan"

’n Eenvoudige manier om ons geestelike groei en verbondenheid met Christus te verstaan, is om dit te vergelyk met die daaglikse gewoonte om skoon klere aan te trek. Elke dag begin ons deur die vuil klere van gister uit te trek — die moegheid, die sweet, die stof van wat was. Ons was onsself, droog af, en trek vars, skoon klere aan. Dis simbolies van bekering, vernuwing en jouself te beklee met 'n nuwe identiteit.

Soms gebeur dit selfs meer as een keer op ’n dag. Hoekom? Want jy maak jou reg vir ’n spesiale geleentheid, of dalk het jy ’n taak aangepak waar alles om jou vuil en besmet was. Dis nie altyd jou skuld dat jy vuil word nie — maar jy kan nie aanhou so rondloop nie.

So is dit ook in Christus: Ons trek daagliks die ou mens uit, was onsself in Sy genade, en trek die nuwe mens aan – beklee met Sy geregtigheid, Sy vrede, Sy liefde.

Soms is die lewe morsig. Maar ons verhouding met Hom gee ons toegang tot voortdurende reiniging en herstel.

Dis nie net ritueël nie, dis VERNUWING. Nie skuldgedrewe nie, maar geleentheidsgedrewe — om nuut te leef, omdat jy nuut gemaak is.

Maar beklee julle met die Here Jesus Christus, en maak geen voorsorg vir die vlees om sy begeerlikhede te bevredig nie.  (Rom 13:14) 

Beklee julle dan, as uitverkorenes van God, heiliges en geliefdes, met innerlike ontferming, goedertierenheid, nederigheid, sagmoedigheid, lankmoedigheid... (Col 3:12)  

En beklee julle bo dit alles met die liefde wat die band van die volmaaktheid is. (Col 3:14) 

🔁 Hoe Handhaaf Ons Ons Verbondenheid met Christus?

Lees Joh 15:1-17

Dit gaan nie oor die behoud van verlossing nie, maar oor die kweek van verhouding en lewenskrag in ons verbondenheid met Hom.

A. Bly in Hom (Menō – bly/remain)

• Daaglikse afhanklikheid, oomblik-tot-oomblik vertroue
• Geestelike dissiplines help ons om bewus te bly van ons eenheid met Christus

B. ’n Woord-Gesentreerde Lewe 

“As julle in My bly en My woorde in julle bly…”(vers 7)

• Die Skrif voed ons denke en vernuwe ons verstand
• Die Woord is soos die sap wat deur die loot vloei

C. Gebed 

“Vra wat julle wil, en dit sal vir julle gebeur.” (vers 7)

• Gebed is die asem van bly in Christus
• Ons bid nie om intimiteit te verdien nie — ons bid uit intimiteit

D. Gehoorsaamheid uit Liefde 

“Julle is My vriende as julle doen wat Ek julle beveel.” (vers 10, 14)

• Gehoorsaamheid is nie om aanvaarding te verdien nie — dit is om liefde uit te druk
• Soos ’n getroude paartjie hul eenheid uitleef deur dade

E. Liefde vir Ander 

“Dit is My opdrag: Julle moet mekaar liefhê.” (vers 12)

• Ons ontvang nie net lewe van die Wingerdstok nie — ons gee dit ook aan ander
• Ware verbondenheid vloei altyd na buite toe in diensbaarheid en liefde

🕊️ Geestelike Voordele in Christus

• Verlossing van Sonde
  (Efesiërs 1:7) – “Deur die bloed van Christus is ons verlos en is ons oortredings vergewe.”
• Vryspraak en Geregtigheid
  (2 Korintiërs 5:21) – “Hy wat geen sonde geken het nie, het God in ons plek sonde gemaak, sodat ons in Hom die geregtigheid van God kan word.”
• GeenVeroordeling Nie
  (Romeine 8:1) – “Daar is dus nou geen veroordeling vir dié wat in Christus Jesus is nie.”
• Nuwe Skepping
  (2 Korintiërs 5:17) – “As iemand aan Christus behoort, is hy ’n nuwe mens. Die ou dinge het verbygegaan; kyk, alles het nuut geword.”
• Aanvaarding deur God
  (Efesiërs 1:6) – “...en ons aanvaar gemaak het in die Geliefde.”
• Geseën met Geestelike Seëninge
  (Efesiërs 1:3) – “...geseën met elke geestelike seën wat daar in die hemel is, omdat julle aan Christus behoort.”
• Kindskap van God
  (Galasiërs 3:26) – “Julle is almal kinders van God omdat julle in Christus Jesus glo.”
• Erfgename van God
  (Romeine 8:17) – “En aangesien ons kinders is, is ons ook erfgename — erfgename van God en mede-erfgename saam met Christus.”
• Inwoning van die Heilige Gees
  (1 Johannes 4:13) – “Hierdie is hoe ons weet dat ons in Hom bly en Hy in ons: Hy het Sy Gees aan ons gegee.”
• Oorwinning oor die Dood
  (2 Timoteus 1:10) – “...Hy het die dood vernietig en vir ons die ewige lewe gegee deur die evangelie.”
• Vryheid van die Wet van Sonde en Dood
  (Romeine 8:2) – “Want die wet van die Gees wat lewe gee in Christus Jesus het my vrygemaak van die wet van sonde en dood.”
• Krag om te Leef
  (Filippense 4:13) – “Ek is tot alles in staat deur Christus wat my krag gee.”
• Lewe in Oorvloed
  (Johannes 10:10) – “Ek het gekom sodat hulle die lewe kan hê, en dit in oorvloed.”
• Vrede met God
  (Romeine 5:1) – “Omdat ons vrygespreek is deur die geloof, het ons nou vrede met God deur ons Here Jesus Christus.”
• Toegang tot God
  (Efesiërs 3:12) – “In Hom en deur geloof in Hom het ons die vrymoedigheid om met vertroue tot God te nader.”
• Vaste Identiteit
  (Kolossense 3:3) – “Julle het saam met Christus gesterf, en julle ware lewe is nou saam met Christus in God verborge.”
• Geskape tot Goeie Werke
  (Efesiërs 2:10) – “Ons is Sy maaksel, geskape in Christus Jesus om die goeie werke te doen wat Hy vooraf vir ons bestem het.”
• Volheid in Christus
  (Kolossense 2:10) – “En omdat julle aan Christus behoort, is julle vol van die volle lewe.”
• Saam met Hom opgewek
  (Efesiërs 2:6) – “Hy het ons saam met Christus opgewek uit die dood en saam met Hom ’n plek in die hemel gegee.”
• Vasstaande Hoop van Heerlikheid
  (Kolossense 1:27) – “Christus is in julle, en dit is julle hoop op heerlikheid."

·     Heerskappy oor Sonde 
(Rom 5:21) "soos die sonde geheers het in die dood, so ook die genade kan heers deur die geregtigheid tot die ewige lewe deur Jesus Christus, onse Here."

·      Goddelike Natuur
(2 Pet 1:3-4)  "Immers, sy goddelike krag het ons alles geskenk wat tot die lewe en godsvrug dien, deur die kennis van Hom wat ons geroep het deur sy heerlikheid en deug, waardeur Hy ons die grootste en kosbare beloftes geskenk het, sodat julle daardeur deelgenote kan word van die goddelike natuur, nadat julle die verdorwenheid ontvlug het wat deur begeerlikheid in die wêreld is."

[1] Calvin, Institutes, 3.11.10.

[2] Jonathan Edwards, The Works of Jonathan Edwards, vol. 2, ed. Patrick H. Alexander (Peabody, MA: Hendrickson, 1998), Kindle location 89700.

[3] Thomas Goodwin, Of Christ the Mediator, cited in A Puritan Theology: Doctrine for Life, ed. Joel R. Beeke and Mark Jones (Grand Rapids, MI: Reformation Heritage Books, 2012), 483.

[4] Robert Letham, Union with Christ in Scripture, History, and Theology (Phillipsburg, NJ: P&R, 2001), 1.

[5] Lane G. Tipton, “Union with Christ and Justification,” in Justified in Christ: God’s Plan for Us in Justification, ed. K. Scott Oliphint (Fearn, Scotland: Mentor, 2007), 34.

[6] Robert Reymond, A New Systematic Theology of the Christian Faith, 2nd ed. (Nashville: Thomas Nelson, 2010), dccclix.

[7] . Todd Billings, Union with Christ (Grand Rapids, MI: Baker Academic, 2011), 1.  Excerpt from: "Union with Christ: The Way to Know and Enjoy God" by Rankin Wilbourne.

[8] J. I. Packer, A Quest for Godliness: The Puritan Vision of the Christian Life (Wheaton, IL: Crossway Books, 1990), 202.